ЏАБИР ДЕРАЛА: Неодговорените прашања се како нерешени убиства. Тие постојано се враќаат. Постојано го тормозат оној што не ги решил убиствата, односно не одговорил на прашањата.
За денеска имаме неколку навистина итни прашања кои сакаме да му ги поставиме на г. Наќе Чулев, технички министер за внатрешни работи.
Ние утринава испративме неколку прашања, би сакал да ги прочитам и, можеби, ако нема време за читање, да го погледне ова видео и потоа да ни одговори на прашањата:
Кој е Вашиот коментар на сведоштвото на заменик-министерката за внатрешни работи, г-ѓа Славјанка Петровска на ТВ 24, дека го штитите г. Христијан Мицкоски во случајот „Теретана“?
Дали сте запознаени со тоа дека г. Мицкоски се јавувал во МВР да интервенира, односно да ја попречи истрагата околу „Теретана“?
Дали Вие лично ја попречувавте истрагата? Ако да, на кој начин и со која цел?
Како ќе одговорите на другите наводи во ТВ сведоштвото на Вашата заменичка? Толку за сега.
Се надеваме дека ќе го решиме нерешеното убиство заеднички, односно ќе одговориме на прашањата, барем на овие од денеска, кои имаат итна димензија, а се разбира, очекуваме одговор и на претходните прашања, поставени од медиумите, од јавноста, на социјалните мрежи итн. Ви благодариме.
камера и монтажа: АРИАН МЕХМЕТИ
