OД денеска во 11 часот на територијата на целата држава започнува 42-часовен карантин, со цел спречување на ширење и справување со пандемијата на Ковид-19. Забраната за движење ќе трае до вторник 05:00 часот.
ПО триесет дена пост верниците од исламска вероисповед денеска го слават Фитр Бајрам (познато меѓу народот како Рамазан Бајрам ). Честитките за овој верски празник почнуваат по завршување на Бајрамската молитива. Оваа година како резултат на пандемијата со КОВИД-19 во џамиите Бајрамската молитва ќе се одвива под мерките и упатствата дадени од страна на здравствените власти за носење маска и почитување на физичка дистанца од минимум 1,5 метри.
ОТКАЖАНО е чествувањето во Рим за Денот на сесловенските просветители Кирил и Методиј, поради пандемијата.
СОЦИЈАЛДЕМОКРАТСКИОТ сојуз на Македонија е достапен и на албански јазик на социјалната мрежа Фејсбук. Со тоа ќе им овозможиме на граѓаните Aлбанци чиj мајчин јазик е албанскиот, полесен и еднаков пристап до сите официјални информации на партијата, како и навремено информирање за сите политики, ставови и активности.
ИЗБОРИТЕ се решение! Тоа е нашата порака! Решение затоа што ќе им дадат полн легитимитет на законодавната и извршната власт, на ново Собрание и Влада. Решение затоа што ќе создадат простор за подобра и понавремена подготовка пред вториот бран на вирусот наесен, истакна генералниот секретар на СДСМ Љупчо Николовски.
ОБВИНИТЕЛКАТА Вилма Рускоска потврди дека е отворена предистражна постапка по допрен глас за вториот човек на ДПМНЕ, Александар Николоски.
ЗАСЕГА непознати неодговорни граѓани, извршиле вандски акт во Тетово. Скршени се ново поставени клупи во Тетово за што реагирала и градоначалничката Теута Арифи.
ТАЛИБАНЦИТЕ, преку Твитер, најавија тридневен прекин на огнот во Авганистан, а претседателот на таа земја рече дека владата ќе возврати со иста мерка. Прекинот на огнот се случува за време на големиот муслимански празник Фитр Бајрам, јави Би Би Си.
ЕДНА од најголемите рент-а-кар компании во светот – Херц – соопшти синоќа дека започнува стечајна постапка.
ЗЕМЈОТРЕС со јачина од 5,5 степени го потресе утрово брегот на Мексико, соопшти американскиот геолошки завод.
