НЕВЛАДИНАТА организација „Гласен текстилец“ денеска упати барање до Општинскиот кризен штаб, кој во моментов има седница во проширен состав заедно со државниот секретар во Министерството за здравство, Владимир Милошев, да се затворат конфекциите во Штип времено.
Откако во изминатите неколку денови беа регистрирани вработени во конфекциите во Штип како позитивни на Ковид-19, на денешниот општински штаб за заштита и спасување, со присуство и на претставник од МЗ, управата на Штип донесе одлуки да се затворат 5-те конфекции.
ФИЛИПЧЕ: Околу 70 проценти од сите новите случаи се од веќе познати кластери пред се од општините Чаир и Сарај, каде интензивно се работело изминатите денови.
Денеска веќе во Сарај има само двајца новодијагностицирани, останува интензивна работа во Чаир, рече Филипче, а додаде дека се работи и во Студеничани.
ГРАДОНАЧАЛНИКОТ на општина Бутел, Велимир Смилевски од вчера е во самоизолација, поради средбата со директорката на УЈП Сања Лукаревска која е позитивна на Ковид-19.
ДИРЕКТОРОТ на центарот за јавно здравје Куманово, Ариф Љатифи, денеска соопшти дека од 12 -те новозаразени од подрачјето кое го покрива Центарот, единасет лица се од општина Липково. Овие лица се поврзуваат со веќе познати кластери.
ЗА САМО еден ден од објавувањето на јавните повици за доделување субвенции за велосипеди и електрични тротинети во Град Скопје се поднесени 696 барања од граѓаните за субвенции за купен велосипед и 91 барање за субвенции за купен тротинет, соопштуваат од град Скопје.
ДИРЕКТОРИТЕ на регионалните здравствени инспекторати ја укинаа наредбата за задолжителен карантин на лицата кои влегле на територијата на Република Бугарија во периодот од 20.05.2020 до 31.05.2020 година, а се од земјите членки на Европската унија, од Србија и Северна Македонија.
По ПАУЗА од над два и пол месеци, под нови правила и прописи, утрово одново заѕвони првото ѕвонче и за учениците од основните училишта во Грција. По средношколците минатата седмица, денеска и основците се вратија во училишните клупи, а се отворија и градинките.
ВЛАСТИТЕ во Москва од денеска почнаа да ублажуваат одредени мерки воведени со цел да се спречи ширењето на коронавирусот, девет недели по нивното воведување, иако бројот на случаи продолжи да расте.
А. Н. Стојчевски