Потпретседателот на ВМРО-ДПМНЕ Владо Мисајловски и поранешен министер за транспорт и врски, на својата официјална Фејсбук страна пласира лажна вест.
Имено, Мисајловски постира фотографија од велосипедска патека во Кирчдорф, Австрија и манипулира со јавноста дека тоа е во Македонија и изградена од актуелната власт.
Фактот дека и после 19 часа од објавата на оваа манипулација сè уште постот стои на Фејсбук страната на носителот од ИЕ 2 од ВМРО-ДПМНЕ Владо Мисајловски и покрај сите укажувања во коментари, дека не се работи за фотографија и ситуација од Македонија, укажува на тоа дека свесно Владо Мисајловски манипулира со јавноста.
Ова е таа градежна офанзива и правиот пат на СДСМ !? – пишува во најавата под лажната вест потпреседателот на ВМРО-ДПМНЕ Владо Мисајловски.
Она што е лесно да се провери е дека приложената фотографија со која манипулира Мисајловски е од велосипедска патека во Кирчдорф, во Австрија, постирана на порталот Merkur.de од извесен @Lorenz
Ова се дел од реакциите на Фејсбук, што може да се прочитаат во врска со оваа свесна манипулација на Мисајловски:
„Замисли на твојата лага залепиле се повеќе од 1400 партиски ботови, дури 221 споделувања. Е моја жалосна Македонијо кој сака да биде власт“.
„Каков срам за ДПМНЕ! Нивни бивши министри шират ноторни лаги за бескрупулозно да освојат некое поенче кај неупатените.“
„Точна локација да споделите, каде се наоѓа. Зошто не повикавте новинарски екипи да направат прилог. До кога ќе не труете со лажни вести⁉️
Но не сте вие криви овие што коментират се криви, вие да речите дека има живот на Марс сите ќе веруваат не размислуваат со своја глава“„Да го објавеше некој друг ќе му поверуваме, ама оваа монтажа да ја објавиш ти како екс министер не ти личи, ама браво што има чипирани и сеуште ви веруваат на манипулациите и лагите со кои сеуште владеете“
Владо Мисајловски е поранешен министер за транспорт и врски и поранешен потпретседател на УМС на ВМРО-ДПМНЕ.
Мисајловски во јануари 2018 година е назначен за потпретседател на ВМРО-ДПМНЕ, а на последните предвремени парламентарни избори 2020 година е и носител на Изборна единица 2.
Ј. Ѓорѓиоски