ПОЛИТИКОЛОГОТ Марко Трошановски, претседател на Институтот за демократија во Скопје, смета дека е потребно да запрат партиските калкулации за датумот за избори.
ЗАСЕГА нема најава дали и кога би се одржала седница на Советот за безбедност со оглед на тоа што вонредната состојба, четврта по ред, истекува в сабота на 14 јуни. Дотогаш се очекува Владата да донесе став дали ќе побара продолжување на вонредната состојба, од што зависи и терминот за одржување на предвремените парламентарни избори.
ВЛАДАТА одлучи да нема полициски час, откако КЗБ во понеделникот достави предлог за полициски час во местата каде има најголем број заболени. Наместо тоа, ги задолжи МВР и инспекторатите да вршат засилени контроли во подрачјата со поголем број новозаболени од коронавирус.
БРОЈОТ на новодијагностицирани со коронавирусот во државава бележи намалување. Вчера беа регистрирани 87 нови случаи, завчера 127, а ден претходно 111 случаи.
По ПОВОД 10 Јуни – Денот на воздухопловниот ВИНГ, од 12:00 до 13:00 часот е планирано надлетување над Скопје со група на воздухоплови.
НИКОЛОВСКИ на Фејсбук: Уште еден фејк-њуз специјалитет од кујната на фејк-њуз партијата. Фрлаа луѓе во ендеци, а тој ден тргнаа и државата да ја фрлат во ендек. За 200.000 евра!
ТВИТОВИ на денот: Цена 200.000 евра.
Се ГРАДИ во пелагонискиот регион, ја завршивме реконструкцијата на патот од Тополчани до Прилеп, се гради патот од Кадино село до Галичани, наскоро ќе почне реконструкцијата на патот од Битола до Меџитлија, се обновува регионалниот пат Крушево-Слива-Пуста река и други капитални проекти коишто се одвиваат со одлична динамика, истакна Сугарески.
Со ПРЕПОРАКИ или без препораки, со високи или ниски рестрикции, ако одлучиме да не ги почитуваме препораките, ако притоа никој не санкционира, резултатот со бројот на заболени од Ковид-19 ќе биде секако ист. Ова го истакна директорката на Универзитетската клиника за инфективни болести и фебрилни состојби, Милена Стевановиќ.
ЗА 270.000 средношколци и основци, меѓу кои и околу 19 илјади првачиња, денес завршува учебната 2019/2020 година, првпат во вонредни околности и надвор од училишните клупи кои останаа празни од 11 март поради опасност од ширење на заразата со коронавирусот.
ДВАЈЦА вработени во Лекарска комора се позитивни на Ковид 19.
На КЛИНИКАТА за радиотерапија и онкологија се случил скандал во кој медицинска сестра која работела во дневната амбуланта, каде пациентите добиваат терапија, била фатена како краде цитостатик. Случајот е пријавен во полиција и отворена е истрага.
Во МАГАЦИН на „Амазон“ во Бад Харсфелд, во провинцијата Хесен во Германија, регистрирани се 17 работници заразени со вирусот Ковид-19.
ВРЕМЕТО во земјава ќе биде променливо облачно, на повеќе места нестабилно со пороен дожд и грмежи, локално во форма на невреме со засилен ветер и појава на град.
СООБРАЌАЈОТ на државните патишта се одвива по претежно суви коловози. Интензитетот на сообраќај на патните правци надвор од градските средини е умерен.
А. Н. С.
