Поширок круг на држави од регионот го доживуват вториот бран на корона вирусот. И државите кои последниот период регистрираа драстичен пад на бројот на заболени, или оние кои прогласија победа и целесно се отворија, последните денови, а особено денеска регистрираат изненадувачки бројки.
Во Албанија според првичните информации вирусот влегол и во владината зграда и тоа со алармантни случаи. Таму се регистрирани 82 нови позитивни случаи, а 28 само во главниот град. Бројката е алармантна, а според Бард Спахиа, поранешен пратеник на опозициската Демократска Партија, дел од заразените во Тирана се од објектот на Владата.
“28 од 82 случаи објавени денеска припаѓаат на Тирана и тоа што не се кажува е фактот дека случаи се појавиле и во претседателството на Владата. Како последица денеска таму ке има пошироко тампонирање”, изјавил Спахиа.
Институтот за Јавно Здравје во Косово известува дека вчера биле регистрирани 129 нови случаи со корона вирусот, што е нов рекорд за Косово, откалку неколку дена по ред бројката била под 100.
Министерството за Здравство известува дека хоспитализирани денеска биле 58 пациенти од кои 53 се со корона вирусот. Еден од пациентите е во критична состојба, а другите се со различна клиничка слика.
Во Босна и Херцеговина само во последните 24 часа има нови 45 позитивни случаи на коронавирус, објави Институтот за јавно здравје.
Направени биле 814 тестови, а болеста е потврдена кај 33 лица од територијата на Федерацијата на БиХ, како и 12 лица кои живеат на територијата на Република Српска.
Во последните 24 часа во Словенија, каде се ценеше дека борбата против пандемијата е победена, уште три лица биле тестирани позитивни на коронавирусот, со што вкупниот број на заразени се искачи на 1.499.
Освен ново заразените Словенија има уште 24 активни случаи на со КОВИД-19, од кои 7 се хоспитализирани, а еден од нив бил сместен во единицата за интензивна нега и е во критична состојба.
А. Зеќири
