Секторот за сообраќајни работи при Бирото за јавна безбедност (БЈБ) во координација со Одделението за безбедност на сообраќајот при Секторот за внатрешни работи Скопје вчера од 19,00 до 03,00 часот спроведе акциска контрола за откривање на возачи на мотори кои организираат “диви трки“ на подрачјето на Скопје, јавуваат од БЈБ.
Санкционирани се осум возачи на мотори кај кои се констатирани низа прекршоци. Од нив тројца моторциклисти биле приведени во Полициската станица Карпош, а еден во Полициската станица Кисела Вода поради правење на бучавост над дозволената со нивното движење на моторциклите и поради неносење соодветна документација за истите. Исто така и четири моторцикли ќе бидат однесени на технички преглед за понатамошна постапка, информираат од Бирото за јавна безбедност .
