Повторените тестови на бугарскиот премиер Бојко Борисов, шефицата на неговиот политички кабинет Деница Желева и членовите на тимот на премиерот, се негативни, јави Бгнес.
Сите вработени во администрацијата на Советот на министри се тестираат откако на почетокот на оваа недела двајца вработени во администрацијата беа заразени со Ковид-19. Во моментов, како резултат на тестовите, идентификувани се два нови случаи на заразени вработени во Министерскиот совет.
Така, вкупниот број на заразени вработени со Ковид-19 стана четворица. Поголемиот дел од администрацијата во бугарската Влада веќе е тестиран, а резултатите од најновите тестови се очекува да бидат познати до понеделник.
Претходно Бгнес јави дека Желева има позитивен тест на Ковид-19 а Борисов е негативен но е ставен во карантин додека се чека втор негативен тест.
Бојко Борисов во карантин, шефицата на неговиот кабинет заразена со коронавирусот
