Во организација на Аероклубот Скопје во саботата се одржа Падобранскиот куп во прецизно слетување „Скопје 2020“. На натпреварот учествуваа дваесеттина падобранци кои се обидуваа да стигнат поблиску до целта.
Победник на натпреварот беше ветеранот Антонио Гулевски кој своето водство го круниса со два поена во последниот скок. По него следеа Иван Спиридоновски и Лубомир Нетков.
– Одржувањето на натпреварот беше битно за да се одржи континуитетот на падобранските скокови во ова време-невреме, изјави директорот на натпреварот Драги Рајчин.
Натпреварот беше одржан под покровителство на Град Скопје, Аероклубот Скопје и приватни ентузијасти.
Со натпреварот за прецизно слетување, како што истакнуваат организаторите, се унапредува падобранството и се афирмираат воздухопловните спортови во Македонија.
Поради мерките на претпазливост натпреварот се одржа во рамки на клупските членови и со директна покана
