Да бидеме смирени и одговорни. Премногу вложивме, премногу постигнавме, и што е најважно, премногу сме блиску за да си дозволиме да ја пропуштиме оваа шанса, порача денеска преку видео порака министерот за надворешни работи Бујар Османи.
– Свесен сум дека влегуваме во многу чувствителна фаза во која секој од нас ги брои деновите и очекуваме пристојна разрешница на нашите европски интеграции. Верувајте овие измешани чувства кај мене се уште позасилени. Три години ги водев европските интерграции и секое утро се будев со една единствена мисла – да ги започнеме преговорите, порача Османи.
Тоа, посочи тој, е нормално и човечки, но не смее да не доведе до пораз.
– Имаме премногу вложено, премногу постигнато. Едноставно сме премногу блиску за да си дозволиме да ја пропуштиме оваа шанса. Ние немаме добиено доверба за да се нервираме или да ја проектираме таа нервоза, туку за да бараме решение. Имаме многу пријатели, кои што сакаат да ни помогнат. Многу земји, чиј што интерес, се совпаѓа со нашиот. Но и знам дека имаме силен мотив да ги зачуваме нашите европски интеграции, нагласи Османи.
Апелирам, вели тој, на смиреност бидејќи политичките набои често не соодветствуваат со реалноста.
– Во земјите членки на ЕУ и во нашите соседи во Бугарија постои чувство на одговорност и потреба за изнаоѓање решение. Затоа не смееме да ја прооуштиме оваа шанса, премногу е важно за сите нас, изајви Османи /МИА/
