Попладневен преглед: Заев-Активистот од ВМРО-ДПМНЕ што го запали бугарското знаме ќе сноси одговорност, замрзнат имотот и сметките на Трифун Костовски…

Екипата од „Медена земја“: Сите средства од донациите за Атиџе ќе бидат префрлени одеднаш, не најдовме начин да се добие месечен надомест, а да не се изгуби социјалната помош. Образложението на тимот во кој се продуцентот Атанас Георгиев и режисерите Љубо Стефанов и Тамара Котевска, следи по разните апели за собирање пари за хероината на филмот Атиџе Муратова во дел од медиумите изминативе денови. Екипата вели дека јавноста и публиката беа неточно информирани, а притоа беа „осквернавени документаристите, протагонистите, успехот на филмот и неговата голема хуманистичка идеја“.

Бочварски: Пет фирми доставија понуди за изградба на штипската брана на река Отиња. -По завршување на евалуацијата ќе имаме конечно колку фирми се подготвени од овие пет коишто конурирале да учествуваат на надавањето, со цел да ја добиеме најповолната понуда за изградбата на браната на река Отиња. Проектите стануваат реалност, заради тоа што некој се грижи и работи за граѓаните, рече Бочварски, при денешната посета на Општина Штип.

В петок ќе се одлучува дали во Прилеп ќе се воведе карантин. Во врска со барањето на прилепскиот градоначалник за воведување карантин во тој град, портпаролот на Владата, Душко Арсовски денеска рече дека во Прилеп ситуацијата е алармантна и во петок Комисијата за заразни болести ќе го разгледува тоа како проблем.

Замрзнат имотот и сметките на Трифун Костовски.