“Утре има целото прашање на проширување како точка за информирање и мислам дека министерот за европски прашања Михаел Рот на Германија веројатно ќе се осврне на нивните напори и претпоставувам на прес-конференцијата најавена по завршувањето на тој состанок дел од работите ќе сподели и со јавноста, мислам дека за жал најверојатно нема да има пробив оваа недела, за пробив подразбирам ние како Македонци коишто зборуваат македонски јазик, да почнеме пристапен процес што ќе ни ја европеизира нашата држава, ние сме апсолутно заинтересирани за ЕУ, од агендата за европеизација не отстапува и нема никогаш да дигнеме раце, меѓутоа истата таа ЕУ подразбира како суштинска темелна вредност почитување на културните, јазичните различности на сите европски народи, се одбележува годишнина од освојувањето на Повелбата на ЕУ за темелни права, каде што во преамбулата токму за овие прашања се зборува, се надевам дека ЕУ ќе најде сили сите земји членки да ги убеди да бидат на линија на вредностите на ЕУ – истакна Никола Димитров Заменик на Претседателот на Владата за европски прашања во своето гостување на Сител Телевизија
“Добивме зелено светло во март, треба да почнеме пристапни преговори, во прашање е и вкупната политика на ЕУ кон Балканот, мислам дека нема подрастичен случај од македонскиот случај во таа смисла, заради меѓу другото и билатерални прашања, па чекаат на нова методолија, врз основа на таа методологија да се разработи преговарачка рамка и еве сега имаме еден ваков предизвик, јасно е дека ние во контекст на ЕУ, за разлика од ОН, НАТО алијансата каде имаме целосно рамноправна позиција, во контекст на ЕУ имаме ние сме надвор, Бугарија е внатре меѓутоа исто така ЕК и европските комесари меѓу другото се и чувари и промотори на европските вредности, нешто што доста го слушавме при неговото излагање за неговиот избор еврокомесарот Вархеи со европските парламентарци пред ЕП, и во таа смисла според мене лично ова беше асиметричен повик за прашање што е јасно дека не е дел од (Кохерашките) критериуми, за прашање што е наша работа, македонскиот јазик е во срцето на нашиот суверенитет, тоа е наша работа, нашето изразување како македонски народ е наша работа, за едно вакво прашања мислам дека во најмала рака изјавата требаше да биде упатена кон двете земји и кон земјата членка, и оваа битка не е само битка македонска, нели да одиме напред таму каде што ни е стратешката цел, оваа битка истовремено е и европска битка, секогаш кога еден суштински важен, темелен, кристално јасно принцип на ЕУ е под знак прашања, секое молчење ја прави ЕУ послаба бидејќи ЕУ не е само заеднички пазар туку е и заедница на вредности” – додава Димитров
