Попладневен преглед: Пописот е насушна потреба, да ги задоволиме правата на еднаквост сите да учат на мајчин јазик, да слушнеме и да прифатиме што е најдобро за учениците, смета Заев…

Пописот е задолжителен и е насушна потреба. Нема проблем, зашто државата во 2031 година пак ќе прави попис и ќе видиме кој тогаш ќе биде власт, изјави Заев во одговор на прашање по увидот на вселувањето на Министерството за политички систем и односи меѓу заедниците во новата зграда.

Тутунарите, жртви на партиски протести, еден од организаторите е „техничкиот заменик“ Цветан Трипуновски. Самите тутунари остро реагираат на овие проѕирни методи на вмровците да профитираат среде постапката за откуп на тутунот. Резултатот е само уште една утната операција за стекнување политички профит.

Oткупот на тутунот продолжува, просечната цена 166,8 денари. Тутунот се откупува на сите откупни пунктови. Тутунарите сакаат да го предадат родот, зашто времето им истекува. Ги повикуваме фирмите да ја зголемат динамиката на откуп, за луѓето да може да го предадат и оној вишок тутун што го имаат и да биде преземен во законскиот рок, изјави претседателот на Сојузот на земјоделски здруженија, Менде Стомнароски.

Прв јавен повик за наставници од основни училишта за напредување во звање „ментор“. Првиот јавен повик за наставници од основните училишта за напредување во звање „ментор“ е објавен на следниот линк. Повикот предвидува конкретни квоти за секоја општина, односно колку најмногу наставници во текот на оваа календарска година можат да напредуваат во соодветното звање.