„Ние имаме капацитет за организирање на оваа сложена операција, го проверивме на избори, парламентарни и локални во Штип и Пласница, кои се одржаа. Самата операција е полесна од делот на операцијата за избори. Тука го нема кампањирањето, а со тоа е намален и човечкиот контакт. Анкетарите се обучуваат, протоколите постојат, целата операција е безбедна и организирана според стандардите на Евростат“, рече Заев во врска со анкетирањето, кое ќе треба да се спроведе, можеби и во ковид услови.
Премиерот Заев истакна дека намерата не е да се укинат предмети, туку да се отвори дебата во јавноста, со родителите, со стручната јавност за да се дојде до поквалитетен и интегриран систем, пред сè во корист на децата, бидејќи образованието постои за нив.
Премиерот Заев за најавите и точните бројки на вакцини кои ќе пристигнат од европските земји и нашите соседи, како Австрија, Полска, Бугарија, Грција, рече дека и тие добиле десет пати помали количини од најавените вакцини и изрази надеж дека динамиката на продукција и испорака на вакцини во следниот период ќе биде посоодветна од претходно најавената.
Министерството за здравство информира дека во последните 24 часа се направени 761 тестирања, а регистрирани се 106 нови случаи на ковид-19 во: Скопје-72, Куманово-4, Штип-2, Прилеп-5, Тетово-3, Битола-1, Кавадарци-4, Гостивар-6, Струмица-5, Радовиш-1, Кочани-1, Берово-1, Ресен-1.
Првите 5850 дози вакцини од „Фајзер“ ќе ги има во февруари, во март треба да стигнат уште 17 550 и најмалку уште толку во април. Се чека датум кога ќе стигнат и 833-те илјади дози преку Ковакс-механизмот, а покрај Бугарија, Полска и Грција, и Австрија е подготвена да одвои за нашата земја од вакцините набавени за нејзините граѓани, преку третиот – солидарен механизам на земјите од ЕУ кои отстапуваат вакцини за земјите кои се надвор од Унијата.
