#Frontaction
Живееме во време полно со информации -од секој агол, ОП сме сведоци на некакви вести – за жал се повеќе лажни.
Некогаш се прашувам дали сценаристот на Black Mirror e инспириран од секојдневниот живот, или секојдневниот живот се инспирира од Black Mirror.
Како и да е, ние сме генерација која е жртва на информација. Мое лично мислење е дека информацијата може да е злато – но во исто време и блато, доколку е сервирана лажно.
Низа умови се жртви на секојдневни непроверени информации, од најбанални теми ” Како да ослабнете за 5 дена” до сериозни теми во кои се зборува за суштински работи кои можат да загрозат нечиј живот ( сведоци сме на многу такви “натписи” во време на пандемијава).
Moже да се каже дека е среќа што големите социјални мрежи како Фејсбук и Твитер влегуваат на голема врата да ги заштитат своите корисници од лажни вести, но и да го стопираат ширењето на истите.
Лажните вести се штетни за нашата заедница, го прават светот помалку вистински информиран и ја уништуваaт довербата, всушност го прават нашиот свет хаотичен – и веќе вистината нема вредност. Дури се почесто во нашата инфодемија се поставува прашањето ШТО Е ТОА ВИСТИНА. Тоа не е нов феномен, постои уште во минатото и служи за исполнување на некоја цел било да е политичка или социјална но едно е факт дека сите ние – технолошки компании, медиумски компании, редакции, наставници, уметници, актери, режисери сите – имаме одговорност да го дадеме својот дел во решавањето на овој феномен.
“Кога станува збор за борба против лажни вести, еден од најефикасните пристапи е отстранување на економските стимулации за трговците со дезинформации. Откривме дека многу лажни вести се финансиски мотивирани. Овие спамери заработуваат пари маскирајќи се како легитимни издавачи на вести и објавувајќи измами што ги тера луѓето да ги посетуваат нивните страници, кои најчесто се главно реклами.” – информираат од компанијата Фејсбук.
Во истражувањето што го направив по повод дали и како Твитер и Фејсбук не заштитуваат од лажни вести открив дека се во процедура на градење и тестирање на нови производи за да го идентификуваат и ограничат ширењето лажни вести.
Но во сите податоци тие истакнуваат дека не можат сами да станат арбитери на вистината – и дека не е изводливо со оглед на нивните размери и на нивната улога како таква во општеството.
И се во право, сметам дека секој еден поединец има одговорност кон инфодемијата која се шири на социјалните мрежи а и во животот општо. Како што сакаме озборувањето да престане, така сакаме и лажните вести да ги снема – зарем не е тоа едно исто?
Во сржта на човекот е да измислува и да создава приказни ( како актер – мојата суштинска професија е тоа) но, не под губење на моралната капа на вистината како таква.
Наша цел како млада генерација надежни борци е да станеме бранители на вистината и на фактот, и нов вид вакцина против инфодемијата која ни се случува.
Прочитај, провери, сподели.
Ве сака,
Вашата В.
камера: Атанас Петровски
монтажа: Б. Ј.
