Денеска се регистрирани 75 нови случаи на Ковид 19, починати се 22, најмладите пациенти на 27 и 32 години. Вкупната бројка на КОВИД-дијагностицирани лица во нашата земја од почетокот на епидемијата изнесува 94.871, бројката на оздравени пациенти е 85.439, на починати е 2.946, а бројот на активни случаи изнесува 6.486.
Британскиот сој на вирусот утврден кај 45 лица во земјава. Првиот пациент со овој тип на вирус во оваа лабораторија е дијагностициран на 13.01.2021 во Охрид и оттогаш неговата застапеност прогресивно се зголемува. Во моментот оваа варијанта на вирусот е најфреквентна во Охрид и Прилеп, а е присустен и кај одредени пациенти во други градови: Тетово, Струга, Куманово, Штип, Велес.
(ВО ЖИВО) Заев на онлајн дебата со Атланскиот совет на тема „Северна Македонија на прагот од Европа“. Меѓу другото ќе се разговара и за темите околу приоритетите во борбата со КОВИД-19 и прогресот на земјата кон ЕУ и патоказот за реформи.
Милошоски бил осуден за фалсификување на исправи во Германија, една година пред да стане министер. Како што велат од А1 он, од документите до кои дошле, се гледа дека судот во градот Ахен, пресудил дека Милошоски сторил дело фалсификување на исправи.
Наредба за истрага за четири одговорни лица во Еуростандард банка. Од ЈО појаснуваат дека осомничените како лица со посебни права и одговорности во Еуростандард банка АД Скопје, во периодот од 2018 година до 2019 година, ги повредиле одредбите од Законот за банки, како и Методологијата за адекватност на капиталот.
Извештај: Во 2019. зголемен број на констатирани повреди на човекови права во однос на 2018 година. Пратениците од владејачкото мнозинство, пак, потсетија дека со оглед на задоцнетото разгледување на извештајот, поголемиот дел од нотираните предизвици се веќе решени или во тек е соочување со истите.
Националната комисија за УНЕСКО изготви Мислење за Нацрт-извештајот за заштитата на природното и културното наследство на Охридскиот Регион.
Кривични пријави за доктори од Битола, извршено породување со царски рез од невработен гинеколог. Кривична пријава е поднесена и против А. В (33) од Белград, сопруга на првопријавениот, заради постоење на основи на сомнение за сторено кривично дело „надрилекарство“ и кривично дело „непостапување според здравствените прописи за време на епидемија“.
Средба Бектеши-Донмез: Постои голем простор за зголемување на соработката во енергетиката. Министрите се согласија дека Турција и Северна Македонија имаат традиционално одлична соработка на енергетски план и изразија надежи во иднина оваа соработка да се продлабочи.
