Приведен е Драги Рашковски. Полицијата го спровела, по наредба на ОЈО за гонење организиран криминал и корупција. Со Рашковски е приведено уште едно лице. Рашковски е обвинет за набавка на софтверот за сообраќајни прекршоци што не го користи ниедна институција. Обвинителството ја почнало истрагата вчера и побарало притвор за нив, а за останатите двајца вклучени во истрагата е побаран куќен притвор и одземање на пасош и лична карта.
Костадин Костадинов од СДСМ, преку објава на Фејсбук, со извинување до граѓаните за вчерашните ситуации во Парламентот, како што вели, за срамот кој сакал или несакал го споделува заради пратениците на ВМРО-ДПМНЕ. Тој, вели дека ВМРО-ДПМНЕ направиле сè за да не се донесе петтиот сет економски мерки, помош за граѓаните и коимпаниите.
Пратеничката од редовите на СДСМ, Даниела Маркоска, на вчерашната собраниска седница, од координаторот на пратениучката група на ВМРО-ДПМНЕ Мицевски, беше оневозможена да го оствари правото на збор. Јас бев нападната физички и вербално со цел да ми се одземе правото на збор и со цел ВМРО-ДПМНЕ да спречи граѓаните да ја добијат економската помош од државата, вели таа.
Поранешниот премиер Никола Груевски ќе си носи одговорност за сè што и има направено на оваа држава, изјави вчера министерот за внатрешни работи Оливер Спасовски. И бегството и азилот и сè што започнало има крај и тој ќе излезе пред лицето на правдата, нагласи Спасовски.
Иако во изминатите денови има благ тренд на намалување на бројот на приеми, сепак ситуацијата и понатаму е сериозна и притисокот врз ковид – центрите е голем, објави на својот фејсбук профил министерот за здравство Венко Филипче.
Од Министерството за здравство реагираат за најавениот протест од страна на ВМРО-ДПМНЕ. Грижата кон граѓаните погодени од ковид кризата, опозициската ВМРО ДПМНЕ, ја покажа и докажа синоќа во Собранието. ВМРО ДПМНЕ одбира да биде на страната на манипулациите, лагата, смислени сценарија за наводни криминали провизии, велат од МЗ.
М. Миткоска
