Вмровците не можат да ги прежалат своите босови и финансиери, како што е Камчев, кои деновиве, еден по еден, паѓаат во апс, во судските предмети во кои се товарат за тешки криминали. Затоа, продукцијата на нивните „курири“ неуморно креира и лансира лажни вести чија цел е дискредитација на институциите. Особено апсењата и приведувањата на криминалците на режимот на Груевски и Фамилијата го привлекуваат нивното внимание и затоа полицијата е честа мета на пропагандата со дезинформации.
Една таква дезинформација е пласирана денеска попладне на ноторниот „курирски“ портал „Република“ за тоа дека наводно припаднички на полицијата танцувале во работно време во службени простории на МВР. „Нов скандал во МВР: Полицајките на Спасовски ја резилат службата“ е наслов на прилогот, со кој лажно се тврди дека се работи за злоупотреба. „Секој ден нов срам за полицијата на Оливер Спасовски“ – гласи првата реченица во текстот. За што, всушност, се работи?
Извори од МВР за Фронтлајн категорично ја отфрлаат оваа дезинформација. Се работи за простории на МВР во зградата на националниот сервис, каде што е сместено одделението за странци, во дел од зградата во кое не ограничено движењето на надворешните лица. Видеото што се појави на социјалната мрежа Тик-Ток не е снимено од вработени на МВР, тврдат изворите на Фронтлајн, врз основа на проверките кои итно ги спровел Одделот за внатрешна контрола криминалистички истраги и професионални стандарди.
