Дванаесетте клубови од Супер лигата почнаа судска постапка против ФИФА и УЕФА доколку глобалните фудбалски организации продолжат да се мешаат во ова натпреварување.
Според „Газета дело Спорт“, УЕФА може да поднесе барање за 50-60 милијарди евра против екипите кои сакаат да учествуваат на новиот турнир поради рушење на натпреварувачкиот систем. Покрај тоа, УЕФА се заканува дека ќе ги дисквалификува овие клубови од европските натпреварувања.
– Вашата изјава нè принудува да преземеме заштитни мерки за да се заштитиме од ваквите непријателски реакции на УЕФА и ФИФА, кои не само што ги загрозуваат обврските за финансирање според грантот, но што е уште поважно, ќе бидат незаконски. Од оваа причина, „SLCo“ (Супер лига компани) веќе поднесе тужба до судовите за да се обезбеди непречено создавање и функционирање на новиот турнир во согласност со важечкиот закон. Супер лигата ќе се одржи заедно со постојните национални првенства и куп турнири, кои се клучен дел од структурата на европскиот фудбал. Клубовите од Супер лигата не бараат да ја заменат Лигата на шампионите или Лигата на Европа. Нашата цел е да се натпреваруваме во овие турнири и да постоиме заедно со нив, стои во заедничкото писмо на 12-те клубови основачи на Супер лигата.
Новиот турнир се очекува да започне во август 2021 година, а секој клуб учесник во Суперлигата, клубот ќе добие по 350 милиони евра.
