Четврта година по ред ја предводиме листата за спроведување и имплементирање на политиките препорачани од Европската комисија, а еден од факторите за тоа е дигитализацијата на услугите, соопшти Министерството за информатичко општество и администрација (МИОА) по објавувањето на извештајот на ЕК „Работен документ на Комисијата за Програмата за економски реформи за 2021-2023 година за Албанија, Босна и Херцеговина, Косово, Црна Гора, Северна Македонија, Србија и Турција“.
Со усвоениот План за распределба на административните службеници преку Програмата К-5, којшто беше усвоен на 40-тата владина седница, Владата најде решение за еден сериозен децениски проблем за кој реагираа граѓаните. Согласно Законот за преземање административни службеници, 1.349 вработени според програмата за правична застапеност конечно се распределуваат на конкретни работни задачи во вкупно 237 институции. Тоа не се нови вработувања туку станува збор за решение со кое државата конечно обезбеди конкретни ангажмани за вработени лица кои со години беа причина за незадоволство кај јавноста од една страна, а кои во исто време не добиваа никакви работни задачи од институциите, од друга страна.
Две третини од пратениците се вакцинирани до 16 часот. Немам информации уште колку се вакцинирале до 18 часот. Но, интересот за вакцинација кај пратениците е голем, вели Џафери.Тој не сакаше да ја коментира изјавата на пратеникот Павле Трајанов дека меѓу парламентарците „постои разочарување“ што биле вакцинирани со „Спутник В“, а им било ветено дека ќе добијат вакцини од „Фајзер“.
Според Шилегов, согласно договорот којшто е склучен, Вардар е приватна сопственост на Сергеј Самсоненко, т.е. на ракометниот клуб Вардар, и е купен за 5 милиони денари, со сите акции: „Таму има една можност тој договор да се раскине, ако не се почитува во наредните 10 години. После 10 години не може ни да се раскине. Значи, зборуваме повторно за приватна сопственост…“.
Ова е трета по ред заедничка активност на Кабинетот на претседателот и „Ретвитни оброк“ при што досега се подготвени 300 оброци. За денешната подготовка на топли оброци, првпат е обезбедена донација од намирници, а поради претстојните велигденски празници, менито вклучува посна храна.
Мора да се почитува законот и параметрите од Генералниот урбанистички план и со нив да се усогласат деталните урбанистички планови. Тоа е нешто што треба да го сработат урбанистите, смета градоначалникот на Скопје Петре Шилегов за проектот „Гранд“ предвиден на паркингот спроти хотелот „Холидеј ин“.
