„Не може да се нарекуваат уставобранители тие што насилно влегоа во Собранието и се обидоа да тепаат или да убијат оние кои што самите граѓани ги одбрале да го спроведуваат тој Устав“ кажа поранешниот пратеник на СДСМ, Павле Богоевски во гостувањето на емисијата „Стадион“ на Канал 77.
При разговор со Богдан Илиевски од ВМРО-ДПМНЕ, Богоевски истакна дека организаторот одговара за секоја последица на протестот, доколку не ги преземе потребните мерки. „Дури и вие да не сте го предводеле или иницирале влезот во Собранието, што направивте за да го спречите? Ја ангажиравте редарската служба, која мора да ја имате согласно закон? Откако се појавија првите знаци дека луѓе сакаат да влезат во Собранието, што направивте вие? Вода им носеше. Ништо не направивте. Ги спроведувавте инструкциите на вашиот шеф, сега веќе храбриот бегалец Никола Греувски“ кажа Богоевски обраќајќи се до Илиевски. Поранешниот пратеник на СДСМ додаде дека според него, Илиевски точно знаел што прави на протестите и која била неговата одговорност како организатор на истите. „Фактот што се уште се расправаме за тоа што се случило на 27 април, не спречува да го апсолвираме тоа, да го ставиме зад нас и да се осигураме дека нема да се случи повеќе“ заклучи Богоевски.
Д. Е.
