Градоначалникот на Град Скопје, Петре Шилегов истакна дека не практикува во политиката да употребува популизам, во одговор на новинарско прашање околу капиталните проекти реализирани за време на неговиот мандат.
-Мислењето дека кој било градоначалник треба да гради капитални проекти е фараонско размислување. Ние не сме фараони да градиме пирамиди во своето владеење, ние сме градоначалници избрани да раководиме со градот, истакна Шилегов.
Градоначалникот додаде дека денешниот договор за басрапид транзитот е корисен за иднината на градот Скопје.
-Одговорните институции за поништување на постаментот на споменикот на Мајка Тереза се Општина Центар и Министерството за култура, изјави градоначалникот на Град Скопје, во одговор на новинарско прашање и истакна дека потребно е да се поништи маркицата за постаментот или да се утврди отколонувањето параметри што се дадени во Деталниот урбанистички план.
Шилегов истакна дека се работи за национален проект, а дејствијата треба да ги преземе Министерството за култура.
– За мој вкус тоа трае долго и затоа мислам дека можеби има определени резерви на носење соодветни акти, истакна Шилегов.
Тој додава дека според него постои општ консензус, кога е во прашање споменикот на Мајка Тереза, бидејќи е улица преку која има пристап до плоштадот.
извор: МИА
