Основачот на апликацијата „Мој Воздух“ (AirCare – Air Quality App), Горјан Јовановски, со туторијал и совети околу тоа како најбрзо да препознаете лажен профил на социјалните мрежи.
Фејсбук објавата од Јовановски ја пренесуваме во целост:
На мојот инстаграм профил најчесто прифаќам само познаници, бидејќи си го држам во помал круг отколку пример Facebook или јавниот профил. Така да најчесто проверувам кои се профилите што ме додаваат.
Денес добивам барање од дадена “kostovska_marija” (https://www.instagram.com/kostovska_marija/), па го отворив профилот да видам дали ја познава. Секако по брза проверка, воочив дека е лажен профил, и супер пример да ви покажам како можете и вие да откривате слични профили.
Еве ги работите кои може да се поврзани со лажни профили:
Профилот е свежо направен, и сите слики се скорешни, поставени во ист ден, иста недела или ист месец.
Има мала или непостоечка реакција (коментари) на постоечките слики/постови од други корисници.
Недостаток на story-ња со видео од личноста, посебно каде што збори.
Обична проверка на Google Images за сликите покажува други слики.
Последната, 4-та точка, ја зборев и кога разгледувавме лажни вести (таа со штркот пред некој месец). Еве како може да го примениме истото и на инстаграм/ФБ профили.
Ја одбирам првата слика, ја зачувувам, и преку Google Images (https://images.google.com) правам reverse image пребарување, т.е. јас на Google му ја давам сликата, а Google ми кажува каде на интернет ја има истата.
Набргу го пронајдовме и линкот од каде што се преземени лажните фотографии: https://www.pinterest.com/destinyxnicole3/my-pictures/ (а е поврзан со ‘sexy youtube girls’ keyword ), профил што припаѓа на дадена Destiny Nicole, и вистинскиот нејзин инстаграм профил (https://www.instagram.com/destiny_x_nicole).
Зошто е ова битно? Што има везе ако некој има лажен профил?
- Преку лажен профил може да се дојде до вашите приватни постови што може не сакате да ги споделите со други.
- Преку лажен профил може да се започне разговор кој ќе доведе до испраќање лични податоци, пари, слики, што може после да се користат проив вас.
Не прифаќајте секој и сешто на социјалните мрежи, и обидете се да ги држите вашите важни информации на старна од истите, советува Горјан Јовановски.
