Вечерен преглед: Бугарија објави барања за тргање на ветото, Османи вели не се преземени обврски, утре по вторпат „Парада на гордоста“ во Скопје

Софија со неколку барања до Скопје за тргање на ветото за ЕУ. Според бугарското МНР, Скопје треба во најбрз можен рок да потврди пред ООН, во согласност со член 11, став 3 од Договорот за соседство, дека краткото и долгото име на земјата се однесуваат само на политичкиот субјект „Република Северна Македонија“, а не на географскиот регион „Северна Македонија“, дел од кој се наоѓа и во рамките на суверените граници на Бугарија…..

Совет на амбасадори: Треба да се бараат посовремени начини на создавање на долгорочна стратегија за развој на добрососедските односи. Советот смета дека ова е една од повеќето неправди што и се нанесени  на нашата земја на нејзиниот пат кон евроинтеграциите од нејзиното осамостојување до денес иако земјата секогаш ревносно ги исполнува поставените барања од Унијата во делот на реформите во многу области на живеењето.

Заев: Максим Димитриевски е еден од главните кандидати за уште еден мандат во Куманово. „Со Максим сме другари и социјалдемократи и секогаш ги утврдуваме најдобрите. Максим е еден од главните кандидати, но имаме и други кандидати. СДСМ секогаш ќе го понуди најдоброт како во Куманово, така и во сите општини ширум државата“, рече Заев.

Утре „Парада на гордоста“ во Скопје, изменет сообраќаен режим… Предвидената траса на движење на учесниците од пред паркот „Жена Борец”, која започнува во 12:00 часот е по улица „Димитрије Чуповски”, свртување на улица „Даме Груев” и булевар „ВМРО” кон Владата , па по булевар „Илинден” до фонтаната во Градски парк и завршува на „Школка” во Градскиот парк во 17:00 часот, се вели во соопштението од МВР.

Исплатени ковид-наградите, врз основа на списоците доставени од директорите на јавните здравствени установи. Секое раководно лице на јавна здравствена установа, на кое му беа доделени средства за награда од 30.000 денари, до Министерството за здравство, достави список потпишан и изготвен од негова страна, а согласно натамошните процедури ФЗО на РСМ ги исплати средствата до секое ЈЗУ, раководејќи се според претходно доставени списоци од страна на директорите на јавните здравствени установи.

Aплицирани 501.506 дози вакцини, ревакцинирани 212.201 граѓани.