ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ПОЛИТИКА

Спасовски: Посветени сме кон креирање политики и решенија за ефикасна борба против корупцијата

June 29, 2021 18:12
in ДЕНЕС, ПОЛИТИКА
Share on FacebookShare on Twitter

На патот кон градењето на модерна, развиена и земја со европски стандарди, еден од главните фокуси на делување на институциите на Република Северна Македонија е ефикасната борба против корупцијата. Токму затоа, Република Северна Македонија е посветена кон креирање политики и решенија за надминување на оваа појава која длабоко навлегува во сите пори на едно општество ако остане неадресирана, истакна министерот за внатрешни работи Оливер Спасовски во своето денешно обраќање на онлајн форумот на министри за внатрешни работи на земјите кои се дел од Берлинскиот процес.

Спасовски, како што соопшти МВР, покрај во сесијата посветена на борбата против корупцијата говореше и во сесијата посветена на управувањето со миграциите.

– Во март годинава, Владата го усвои Планот за борба против корупција кој претставува одговор на ваквите закани и кој има за цел да ја зајакне функционалноста на институциите во борбата против корупцијата, преку воспоставување на јасни механизми за соработка и градење на општество ослободено од корупција, потсети Спасовски. 

Министерот Спасовски посочи на досегашни активности и проекти во делот на борбата против корупцијата, како финализирањето на „Стратегија за јакнење на капацитетите за водење на финансиски истраги и конфискација на имот“ која ги дефинира мерките за периодот 2021 до 2023 година и која ги надоградува активностите на претходната Стратегија. 

– Основна заложба на Стратегијата е да придонесе за зајакнување на капацитетите на националните институции и нивната координација во следењето на протокот на пари, вклучително и преку откривање на можно прикривање и пренесување на нелегално стекнат имот. Успешноста на овој процес ќе влијае врз зголемување на довербата на јавноста во државните институции, пренесувајќи ја пораката дека криминалот не е исплатлив и дека може да се сузбие со ефективна идентификација, финансиски истраги и конфискација на незаконски стекнат имот или имотна корист, нагласи Спасовски.

Министерот Спасовски го потенцираше и спроведувањето на ефикасни меѓуресорски координирани финансиски истраги со цел идентификување и следење на приноси, имот и имотна корист во земјава или во странство кои ќе се спроведуваат паралелно со криминалистичката истрага и ќе резултираат со определување привремени мерки за обезбедување и нивна подоцнежна конфискација.

Во делот од Министерскиот форум посветен на управувањето со миграциите, Спасовски го потенцираше превенирањето на западно-балканската и источно-медитеранската мигрантски рути. Истакна дека во поглед на спречувањето на илегалните минувања најголем проблем е тоа што и по откривањето и спречувањето на илегалните мигранти да остварат илегален влез во државата, тие непречено се задржуваат во непосредна близина на македонско – грчката граница и практично продолжуваат со обидите за илегален влез сè додека конечно не успеат во намерата или додека не изнајдат друг поефикасен начин за продолжување кон Западна Европа.  

Говорејќи за предизвиците во успешното справување со илегалната миграција, министерот Спасовски нотираше и некои конкретни предлози за поефикасно и поквалитетно мултилатерално превенирање на оваа проблематика. Ја потенцира важноста од потпишување на Статус Договорот со ЕУ со кој ќе се овозможи распоредување на сили на Европската крајбрежна стража – Фронтекс на македонско-грчка граница на наша територија.

– Во оваа насока, би сакал да побарам поддршка за што е можно побрзо финализирање на овој приоритет од причина што неговото формализирање го условува и продолжувањето на тековната меѓународна заедничка операција на јужната граница во која учествуваат осум европски држави, нагласи Спасовски.

Според него, последен, но не и помалку важен предлог за поефективно справување со ирегуларната миграција е изнаоѓање начин за поефикасно користење на податоците од европските бази на податоци на европските агенции.

– Свесни сме сите дека со оглед на тоа што не сме земја – членка на ЕУ, немаме директен пристап до овие бази. Во услови кога комуникацијата со земјите на потекло е многу слаба, ова е најефикасниот начин за идентификување на лица поврзани со криумчарење на мигранти, но и други кривични дела, истакна министерот Спасовски.

извор: МИА
Next Post
Фото: Огнен Бошњаковски/Фронтлајн

Финансиска поддршка на 745 естрадни уметници погодени од корона кризата

Shortcut

Најново

Неказнивоста не е пропуст, туку систем

November 21, 2026

„Ниту една повеќе!“ – Протести против насилството врз жените, обвиненија и барања за институционална одговорност

November 21, 2026

Сите сакаат да владеат со светот

November 21, 2026
Фотографија: Unsplash

Младите бараат образование наместо оружје: Протести против планот на ЕУ за 800 милијарди евра за одбрана

November 20, 2026
Јана Коцевска

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

НАЈЧИТАНО

  • ЛЕЛЕ, МАМО, КРИЗА Е!

    0 shares
    Share 0 Tweet 0
  • Уставниот „рекорд“ на Сиљановска-Давкова падна на проверката на фактите – ЦИВИЛ МЕДИА укажува на политичка манипулација со бројките

    0 shares
    Share 0 Tweet 0
  • Вест стара 59 години

    0 shares
    Share 0 Tweet 0
  • Мислете му ја!

    0 shares
    Share 0 Tweet 0
  • Спасовски: Изборот е направен, насоката е потврдена, продолжуваме по правиот пат во европска иднина

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk