Пандемијата на коронавирусот го внесе човештвото во нова ера на енергетска одржливост и еколошка свест, па компанијата „3-делукс“ одлучи во њујоршката општина Менхетн да спроведе проект којшто, „во склад со природата“ ги истакнува овие вредности.
#WeThePlanet Campus from 3deluxe on Vimeo.
– По шокантнава пандемија и социјалната поларизација годиниве, постои желба за позитивна промена. Време е архитектурата и урбанизмот да изберат поамбициозен пристап за хуманизација на нашиот животен простор, изјави извршниот директор на „3-делукс“ – Дитер Брел.
Имено, Менхетен ќе добие тн. еколошки самоодржлив пловен рекреативен кампус кој ќе генерира енергија и вода за своите потреби во овој дел од Њујорк. Се работи за комуникативна платформа што „ќе го штити целиот живот на копното и на морето и ќе ги надмине границите на дизајнот“, соопшти компанијата.
Компанијата „3-делукс“ ја опишува структурата како – „платформа со став кон релевантните социјални теми, како што се заштита на климата, природата, споделената одговорност, отвореноста и транспарентноста“.
Креаторите на платформата веруваат дека ваквите изградби мора да се користат колку што тоа е потребно… Така што, пловниот кампус ќе ги користи најновите технологии за прочистување на воздухот, ќе има ветерници, фотоволтаични системи, морски електрани и биореактори – заради минимално испуштање гасови и целосно самостојна одржливост. Ова значи дека платформата ќе ја произведува целата нејзе неопходна енергија и вода и нема да одземе ништо од планетава што не може да ѝ го врати.
Покрај тоа, платформата е заштитена од покачување на нивото на морето, што е еден проблем помалку. Во иднина, ако луѓето од Менхетн посакаат повеќе простор на неа, структурата може и да се прошири.
