На силниот ITF турнир од категоријата W25 што се одржува во грузискиот град Телави, нашата најдобра тенисерка Лина Ѓорческа предмалку извојува победа против Германката Eva Lys (6-4 ; 3-6 ; 6-3) и се пласираше меѓу најдобрите 16 тенисерки на турнирот.
За пласман во четвртфиналето, Лина утре ќе игра против тенисерката од БиХ, Dea Herdželaš. Лина Ѓорческа истовремено настапува и на турнирот во двојки, а нејзина партнерка е токму утрешната противничка, Dea Herdželaš.
Со победата против домашните претставнички, Грузијките Gagoshidze / Natsvlishvili, двојката Ѓорческа / Herdželaš обезбеди пласман во четврфиналето.
За пласман во полуфиналето ќе играат против израелско-бугарската двојка Kimchi / Топалова.
А. Лукароски
