Поранешната манекенка Халима Аден во ноември минатата година објави дека засекогаш ја напушта модната индустрија. Таа сега поподробно зборуваше за тоа како била принудена да ги прилагодува своите верски убедувања со модата.
Во новото интервју за Би-би-си, спроведено од американскиот дизајнер Томи Хилфигер, таа изјави дека „модната индустрија е особено загрижена за експлоатација и дека моделите многу лесно се искористуваат“. Таа притоа потсети на бројни ситуации во коишто се чувствувала непријатно, па и морала да минува низ соблекувалниците за мажи за да стигне до своите.
Таа спомена и дека некогаш била на сет со модел кој исто така носи хиџаб и, дека на муслиманката многу често не ѝ е дозволена приватност во која може слободно да се пресоблекува.
– Драго ми е што им дадов можност на моделите да зборуваат. Чувствував голем притисок затоа што бев првата муслиманка која носеше хиџаб на модните писти. Чувствувам одговорност пред девојките кои доаѓаат по мене, рече Аден.
А, ниту таа не се чувствувала пријатно кога требало да носи хиџаб од тексас во реклама за „Американскиот орел“.
Аден сѐ уште е сигурна во својата одлука засекогаш да го напушти модниот свет. Се надева дека она што ќе го каже јавно за овие проблеми ќе донесе промени.
