Во колумната за „Слободен Печат“ „Скопје, од култура до “скулптура” и назад“, портпаролот на град Скопје Ваљон Салиху истакнува дека во последните три и пол години Скопје го врати неговиот “културен сјај”: „Најдобар показател е тоа што Скопје, од културна гледна точка, се покажа дури појак и од короната и тоа со серијата културни настани на отворено.
Пролетта 2020 се подржаа 50 концерти, неколку театарски претстави, изложби и други настани, и тоа на 28 локации во 8 општини како дел од проектот „Култура во време на корона“.
Салиху потсетува дека традицијата на посетувани концерти на отворено беше негувана и пред пандемијата за време на „Градски летен парк“, и дека „уште долго ќе се паметат концертите за дочек на 2019 со „Парни Ваљак“(со пред-бенд познатите „Офкестра“), и за дочек на 2020 со Дино Мерлин (со пред-бенд познатите „Џипси Грув“).“
„Обидите Скопје од град на културата да стане град на “склуптурата” на крај се покажаа како неуспешни, и тоа благодарение на напорната работа на сите градски културни институции и луѓето во градот кои непречено и со голем мотив работат Скопје да стане фаворит за европска престолнина на културата“ – потенцира портпаролот на Град Скопје во колумната.
