Една од најдобрите гимнастичарки на светот, Американката Симон Бајлс ќе учествува во финалето на греда на Олимпијадата во Токио, соопшти прес -службата на американската федерација за спортска гимнастика.
– Симон Бајлс се враќа, објавија на Твитер и од Токио 2020.
Simone Biles will compete in tomorrow’s women’s balance beam final at #Tokyo2020 #UnitedByEmotion | #StrongerTogether
— #Tokyo2020 (@Tokyo2020) August 2, 2021
Финалето во кое ќе се појави Бајлс е закажано за утре, 3 август.
Вчера, 1 август, Бајлс се повлече од натпреварот за вежбање на партер, а претходно, 24-годишната гимнастичарка се повлече од екипните и индивидуалните натпревари во другите дисциплини поради проблеми со менталното здравје.
J. Ѓ.
