Поради зголемениот интерес за вакцинирање, од среда или четврток ќе биде повторно отворен пункт во спортскиот центар „Борис Трајковски“, но во малата сала, рече министерот за здравство Венко Филипче. Соопшти дека процесот на имунизација се одвива добро на сите пунктови и до вчера над 650 илјади граѓани примиле барем една доза вакцина, а бројот на ревакцинирани достигна половина милион.
Осумчлената екипа на Специјална олимпијада Македонија во конкуренција на 13 земји освои два сребрени медала на првиот Светски шампионат на специјална олимпијада кој се одржа во Грац, Австрија. Нашата делегација настапуваше со две точки, јунифајд во двојки и соло перформанс.
Кога срамот за него би бил позната категорија на човечко чувство, ќе се покриеше во луксузот во Будимпешта реализиран со украдени стотици милиони евра од Македонија, и ќе молчеше. Барем малку да имаше срам ќе молчеше. Се јавува со статуси на ФБ со текстови кои во трета децимала соодветствуваат со неговиот режим, со неговиот начин на владеење, обвинувајќи го Заев за некакво си талибанско судство.
Вакцинацијата се одвива непречено на сите пунктови низ државата, а во тек е и теренска вакцинација. На вакциналните пунктови во државата и на терен, заклучно со вчера вакцинирани се вкупно 652.340 граѓани. Прва доза вакцина вчера примиле 13.398 граѓани, а вчера вкупно се вакцинирале 17.099 граѓани. Во државата вкупно се аплицирани 1.152.274 дози вакцини, а ревакцинирани се 499.934 граѓани.
Министерството за надворешни работи денеска од 11 до 17 часот ги отвори вратите за граѓаните. Сите заинтересирани можат да дојдат во просториите на министерството и да ги претстават своите забелешки, предлози и идеи пред ресорниот министер Бујар Османи и другите вработени.
