На одбележувањето на 80-годишнината од основањето на Првиот скопски партизански одред – „Скопје секогаш на страната на антифашизмот“, градоначалникот на Скопје Петре Шилегов истакна дека формирањето на првиот скопски партизански одред е голем и значаен настан за македонската историја и историјата на нашето Скопје.
„Ние немаме од што да се срамиме и секогаш со гордост се сеќаваме и ќе се сеќаваме на нашата историја. За разлика од нас, некои наши соседи во своето минато често биле на погрешната страна. Преку обидите за интервенции во нашата историја, се обидуваат да го избришат сопственото минато, при што заборавајќи дека негирањето на својот фашизам, е всушност негирање и на нивниот антифашизам, и на нивните антифашисти кои што и тоа како постоеле во нивните редови“, рече Шилегов.
