8 септември, Денот на независноста е еден од најсветите и најсветлите датуми од историјата на Северна Македонија. Нека ни е честит јубилејот – 30 години независност. Нека ни се вековити самостојноста и државата. Да живее Република Северна Македонија, напиша премиерот Заев.
Пописот на населението и објектите во првите три дена, со исклучок на привремените технички проблеми, се одвива добро и досега се попишани околу 150 илјади граѓани. Софтверската апликација за попишување е апдејтирана и системот е рестартиран за непречено продолжување на пописот.
Мисијата на ОБСЕ/ОДИХР го започна процесот на набљудување на локалните избори закажани за 17 октомври, остануваат уште два дена за увид во Избирачкиот список и четири дена за поднесување кандидатури за градоначалници и советнички листи за изборите. Обуките за употреба на терминалите за вчитување на отпечатоци од прсти се отпочнати. Првпат на овие избори во земјата ќе се применат терминали и систем за вчитување на отпечатоци од прсти.
Заклучно со 4 септември со една доза на вакцина против Ковид-19 вакцинирани се 44,6 проценти од населението над 18 годишна возраст. Вкупно 54 отсто од граѓаните над 40 години имаат примено барем една доза на вакцина, како и 29 проценти од граѓаните на возраст помеѓу 18 и 39 години. Вакцинирани се близу половина од полнолетните граѓани, надлежните со повик до младите да се вакцинираат.
На Клиниката за Тоарилуц, днеска е направена втората трансплантација на коскено ткиво од починат донор, информира министерот за здравство Венко Филипче. Министерот преку својот фејсбук профил објави дека станува збор за сложена операција кај 40-годишна пациентка од Штип, која минатата година при сообраќајна незгода се здобила со скршеница на десната бутна коска, а поради незараснување на скршеницата имала потреба од трансплатација на коскено ткиво.
По барање на Основното јавно обвинителство Гостивар, на Зоран Милески Кичеец вечерва му е одреден 30 дневен притвор за тешката сообраќајна несреќа во која седум лица беа повредени, а едно го загуби животот.
Сè е во рацете и во главата на луѓето. Можеби обратно е посоодветно. Како и да е, не е битна нивната образованост, креативност, инвентивност, битна е подготвеноста на зависност на луѓето од сите структури кои ја промовираат независноста… Независна држава со зависна младина, нема иднина… пишува БОРЧЕ БОКИ ТРАЈКОВСКИ.
М. М.
