Експресните патишта Штип – Радовиш и Штип – Кочани се градат со исклучително добра динамика, рече денеска министерот за транспорт и врски, Благој Бочварски.
Првата фаза од патот Штип – Радовиш е веќе пуштен во употреба. Од втората фаза, привршува делот од Бучим до Радовиш, а се работи и на обиколницата во Штип.
-Очекувањата се дека оваа есен ќе биде пуштен делот од Бучим кон Радовиш, а останатиот дел, од штипската страна, ќе биде пуштен напролет. Транзитирањето преку градот, зашто обиколницата се гради по 40 години, ќе биде пуштено за месец – месец и половина. Граѓаните ќе возат по модерен и експресен пат, истакна министерот.
Во однос на патот Штип – Кочани, информира дека првата фаза е пуштена во употреба, додека втората се очекува напролет.
-Во 2022 година напролет ќе ги затвориме сите отворени прашања во делот на патната инфрастурктура во целиот источен регион, подвлече Бочварски.
извор: МИА
