Пописот успешен Левица, официјалниот политички губитник кој повикуваше на бојкот, се посрамоти, пишува Сашо Орданоски во најновата колумна. САД се надеваат дека Скопје и Тирана ќе ги започнат преговорите со ЕУ годинава….Ако сакаме европски плати, треба така и да работиме… порача Заев – кој е против законот за скратено работно време…кој пукаше на митингот кај ДУИ?
ПОЛИТИКА, ПОПИС, ЕКОНОМИЈА И ИЗБОРИ
Генералниот секретар на НАТО Јенс Столтенберг денеска во Брисел разговараше со специјалниот претставник на ЕУ за дијалогот Белград-Приштина, Мирослав Лајчак, за аранжманот за деескалација на тензиите во северно Косово и рече дека „НАТО и ЕУ имаат заеднички интерес.за трајно политичко решение во регионот “.
Ескобар: САД се надеваат дека Скопје и Тирана ќе ги започнат преговорите со ЕУ оваа година. Американскиот заменик-помошник државен секретар за европски и евроазиски прашања Габриел Ескобар, се надева дека сите европски држави ќе ја разберат стратешката важност од тоа да им дозволат на овие две држави да ги започнат преговорите за членство.
Пописот успешен, резултатите за шест месеци. Вкупно 1.832.696 лица, 568.175 домаќинства и 837.255 станови се евидентирани со Пописот што официјално заврши вчера, а траеше 26 дена, почнувајќи од 5 септември. Во дијаспората се самопопишале 204.805 македонски државјани, најмногу од западноевропските, а многу помалку од прекуокеанските земји.
Со новите 59 градинки, капацитетите се зголемија за 130%, најавени нови 10 објекти до крајот на годинава.
Предлог решението кое предвидува скратено работно време на јавната администрација во петок, е ставено на ЕНЕР. Допрва ќе се отвора дискусија по ова прашање, граѓаните треба да го кажат своето мислење, а Владата внимателно слуша, рече денеска премиерот Зоран Заев. Верувам дека граѓаните ќе си кажат тоа што е реалноста во државата, а реалноста е дека сите ако сакаме швајцарски плати, треба да работиме многу повеќе.
Лидерот на ВМРО-ДПМНЕ, Христијан Мицкоски на митинзите на неговата партија во пресрет на локалните избори повторно зборува за некакви нови парламентарни мнозинства, кои ги ветува веќе неколку годинини наназад. Заборавајќи дека станува збор за локални избори на кои се бираат градоначалници и советници за општините во земјава, Мицкоски со украдени пораки се однесува како да води кампања на парламентарни избори.
Како што информираат од Министерството за образование и наука, студентите кои се наоѓаат на објавените листи можат да се вселат во студентските домови по потпишување на договор со домот во кој се примени. Договорот е потребно да го потпишат најдоцна во рок од 10 дена од објавата на резултатите. Додека, приговори по однос на резултатите се доставуваат до МОН заклучно со 8 октомври 2021 година.
ЗАНИМЛИВОСТИ, lIFESTYLE
Го правела љубоморен Доналд со згоден војник, го сечела од фотките, за изборите легнала да спие – какви тајни испливаа за Меланија Трамп од времето кога беше прва дама? Како секретар за односи со јавност на поранешниот претседател на САД, Стефани Гришам имала прилика од прва рака да го запознае семејството Трамп, а сега во нова книга ги изнесува сите мрачни тајни, што јавноста не ги знаела.
В.К
