На дебатата на „Канал 5“ телевизија, градоначалникот на Скопје Петре Шилегов и укажа на противкандидатката Данела Арсовска дека сериозно ги потценува скопјани кога се обидува да се себерепрезентира како независна кандидатка:
„Вие сте кандидат на ВМРО-ДПМНЕ кој што се обидува да ги изигра скопјани“, изјави Шилегов, покажувајќи јавно достапен документ од Државниот завод за ревизија:
„Ова се финансиерите на вашата кампања. Сто триесет и пет илјади евра се уплатени за вашата кампања од истакнати членови на ВМРО-ДПМНЕ, впрочем, и авто-сервис од Пробиштип. Имате луѓе што ве финансираат од Пехчево, од Вељуса, пратеници кои што се од ВМРО-ДПМНЕ“.
На прашањето на Арсовска зошто е тоа спорно, Шилегов одговори:
„Спорно е г-ѓо Арсовска затоа што вие не сте независен кандидат, вие сте продолжена рака на Христијан Мицкоски.“
Арсовска негираше, но Шилегов и го достави на увид списокот на донатори?
„Вие сте должник на ДПМНЕ, на најкорумпираната политичка партија во историјата, затоа што они ве плаќаат… Чесно е на граѓаните на Скопје да им кажете дека вие сте политички кандидат на ВМРО-ДПМНЕ.“
„Но, не сум, но не сум“, повторно негираше Арсовска.
„Сте, ве плаќаат. Погледнете го списокот“, и реплицираше Петре Шилегов.
