РИБАРО
Голема фама се крена околу бугарското државјанство на независната кандидатка од ВМРО-ДПМНЕ Данела Арсовска. Немаше да има никаква потреба од тоа ако Данела, наместо да се срами, едноставно речеше – да точно е, имам бугарско државјанство и сум горда булгарка. Но, наместо тоа, Данела како права голема македонка со бугарски пасош и независна вмровка, одбра да крие, да се заканува со тужби и да манипулира со јавноста до последен момент.
Одма откако пратеничката Славјанка Петровска обелодени документи каде се гледа дека Данела имала и бугарско државјанство и лична карта, бугарските медиуми застанаа во одбрана позади својата граѓанка Даниела.
Екипата на АХА ексклузивно дојде до насловите од понеделничките послеизборни изданија на бугарските медиуми, кои како и вистински професионалци го чекаат исходот од неделните избори во Македонија со припремени две варијанти. Една во случај Данела да победи, друга во случај Данела да ги изгуби изборите за градоначалник на Скопје.
Во случај кога би победило бугарското момиче:
– Страхотна победа на нашето българско момиче в сърцето на Македония
– Македония разбра истината, след 77 години отново българско момиче кмет на Скопие
– Истината за българите в Македония премина изпитанието на историята, българка ще води Скопие
Варијантите од насловите кога Данела ги губи изборите се:
– Тази Македония, която не прави българката Даниела кмет на Скопие, никога няма да влезе в ЕС
– Страшно поражение на демокрацията в Македония, Заев не позволи българско момиче да бъде кмет на Скопие
– Скопие все още живее в атмосферата на Югославия, духът на Тито в сърцата на жителите на Скопие не позволи на Даниела да спечели изборите за кмет
– Македонските комунисти отново застанаха на пътя на братските интереси на българите в Македония, нашата Даниела загуби изборите в Скопие
– Антибългарските настроения в Скопие достигнаха кулминация, одродените българи в Македония не позволиха на българското момиче Даниела да оглави Скопие.
Изворите на АХА од Софија, јавуваат дека властите подготвиле две сценарија за во понеделник. Во понеизвесниот случај за нив, планирано било да се прогласи сенародна веселба во Центарот на Петрич, а во другата варијанта, како што претходно рековме, прогласувањето на Данела за почесен конзул на Бугарија во Македонија.
Рубриката АХА! е простор за хумор и сатира. Секоја сличност со реалноста е намерна и не е претерана.
FRONTLINE.MK
