Во политиката, во принцип, кога ќе ве фатат во крупна лага, најлошата стратегија за комуникација со јавноста што ви стои на располагање е – да продолжите да лажете, пишува во најновата колумна на Сашо Орданоски. Данела Арсовска во емисија зборот „менаџирање“ го употреби 348 пати, по правило кога немаше разумен одговор или објаснување на поставеното прашање на водителот како финансиски ќе ги поткрепи мегаломанските ветувања со буџетските средства на градот“, напиша Беличанец на ФБ.
ФРОНТ И СОЦИЈАЛНИ МРЕЖИ
(М)оралното лажење е најстариот рецепт за губење избори… За тоа има многу „лекции“ во историјата на лажењето на политичарите од кои може многу и да се научи. Прво паѓаат на памет оние со американските претседатели врзани за Вотергејтскиот скандал на Ричард Никсон и скандалот со сексуалните компликации на Бил Клинтон, а и двајцата завршија со импичменти во американскиот Конгрес. Деталите, а и исходот од тие импичменти се различни, но со познати крупни политички последици и по нив двајцата, а и по републиканците и демократите кои, како партии, прво застанаа, па потоа се дистанцираа од нив, пишува Сашо Орданоски.
Јордановска: ВМРО-ДПМНЕ нека ви е честита коалицијата, а вие мислете си дека гласате за „трета опција“. Сега барем знам што ќе не чека во иднина, но без гајле, навикнати сме на кревки политичарчиња навредени од новинарски прашања. Толку од мене на темава. Апасиев, и цела јавност, се гледаме повторно на 15 декември во Кривичен суд. Јас гордо ќе седнам во обвинителна клупа бранејќи ја својата професија и гадејќи се од сите политички пазарења за власт, од државните пари што ги расфрлате за глупави тужби и од нападите и етикетирањата на новинарите, пишува новинарката Мери Јордановска.
Беличанец: Г-ѓа Данела го злоупотребува зборот МЕНАЏИРАЊЕ и несоодветно го употребува, тотална конфузија. Зборот менаџирање го употреби 348 пати, по правило кога немаше разумен одговор или објаснување на поставеното прашање на водителот како финансиски ќе ги поткрепи мегаломанските ветувања со буџетските средства на градот“, напиша Беличанец на ФБ.
Апел до националистите да не ми ја чепкаат партизанската фамилија. Националистичката пропаганда синоќа изнесе лаги и клевети спакувани во прашална форма, дека јас сум бил наводно потомок на “подмочан благонадежен Блгарин” Божидар Забрчанец кој наводно и служел на “фашистичката окупаторска армија”. Му благодарам на дувлото што ми ја мобилизираше партизанската прилепска фамилија Забрчанец, и што ме натера да се соочат со антифашизмот со факти и докази кои нема да им се допаднат.
ЛОКАЛНИ ИЗБОРИ, ЕКОНОМИЈА
Шилегов: Преку апликацијата „Мое Скопје“ граѓаните ќе имаат „мини референдуми“ за сите важни прашања во градот. Градоначалникот на Скопје додаде дека со овие т.н. „мини референдуми“ за важните прашања, гласот на граѓаните ќе биде пренесуван и ќе служи како водилка за градоначалникот и советот.
СДСМ: Арсовска ги лаже граѓаните, кога може да лаже за бугарско државјанство, лаже и за други нешта, за чии интереси одработува? Не е важно како Данела, кандидатката на Груевски се чувствува, Северна Македонија е татковина за сите. Ваквиот неискрениот и нечесен пристап на Данела Арсовска кон граѓаните е проблем.
Потсетување – Лични карти ќе можат да се подигнат и во сабота и недела. В недела, 31.10.2021 година, пак, сите наведени надлежни организациски единици ќе работат само на издавање изготвени лични карти за граѓаните со работно време од 07.00 до 19.00 часот, вклучувајќи ги и дисперзираните пунктови во ОУР Скопје (Ѓорче Петров, Беко, Бутел и Драчево).
Се отвoра најголемиот трговски центар во земјава „Ист Гејт Мол“. Очекувањата се дека трговскиот центар ќе има околу 12 милиони посетители годишно, а закупците ќе остварат нето промет од 120 милиони евра. Предвидено е да се отворат повеќе од 2500 вработувања пред се во секторот трговија, но и во услужните дејности и оние кои се компатибилни со трговијата.
Иницијативата „Отворен Балкан“ може да привлече американски инвестиции, рече претставникот на Стејт департментот за регионот. Лидерите на трите држави што ја истражуваат иницијативата `Отворен Балкан нè осигураа дека е отворена за сите шест држави и ние им веруваме. Всушност не може да успее без другите три“, рече Габриел Ескобар, додавајќи дека сè што ќе ги зближи државите ќе создаде доверба меѓу граѓаните.
