Активно се развива преведувачката дејност, поточно, само во 2021 година на македонски е преведена и објавена книгата „1000 интересни факти за Украина“, како и делата на современите млади украински писатели – романите „Твојот поглед, Чо-Чо сан“ од Андриј Љубка, „Зимскиот крал“ од Остап Сливински, „Моцарт 2.0“ од Дорж Бату и „Феликс Австрија“ Софија Андрухович, вели во интервју амбасадорката на Украина во Република Северна Македонија, Наталија Задорожњук.
„Активно се развива преведувачката дејност, поточно, само во 2021 година на македонски е преведена и објавена книгата „1000 интересни факти за Украина“, како и делата на современите млади украински писатели – романите „Твојот поглед, Чо-Чо сан“ од Андриј Љубка, „Зимскиот крал“ од Остап Сливински, „Моцарт 2.0“ од Дорж Бату и „Феликс Австрија“ Софија Андрухович. Воедно, сакам да ја искористам оваа прилика искрено да им се заблагодарам на искрените пријатели на Украина, познатите преведувачи и писатели Вера Чорниј-Мешкова и Игор Станојоски за нивната напорна работа и активната соработка со нашата Амбасада“.
Во интервјуто амбасадорката истакна дека имаме многу добра соработка во културната сфера. Конкретно, само во последната година, и покрај ограничувањата поради Ковид-19, се реализирале низа интересни заеднички проекти.
„Имаме многу добра соработка во културната сфера. Конкретно, само во последната година, и покрај ограничувањата поради Ковид-19, успеавме да реализираме низа интересни заеднички проекти. Меѓу нив, пред сè, филмскиот фестивал на познатиот украински режисер Олександр Довженко во „Кинотеката на Северна Македонија“, учеството на украинските современи филмски режисери на Меѓународниот филмски фестивал „МакеДокс“ во античкиот Куршумли-ан, одржаните изложби на делата на Украински уметници кои живеат во Северна Македонија, како и лансирањето на првиот аудио водич на украински јазик во Музејот на македонската ослободителна борба во Скопје“.
Амбасадорката рече дека имаат намера да одржат уште повеќе вакви интересни настани, вклучувајќи филмски фестивали, изложби, презентации на украинската кујна, заеднички научни конференции и слично. Сигурна е дека ќе бидат интересни и ќе ја претстават богатата украинска култура.
„Во 2022 година, доколку дозволи состојбата со Ковид планираме фестивал на украински документарни и играни филмови, меѓу кои планираме да се прикажат неколку филмови за настаните на воената зона во Донбас, креативни вечери (презентации на книги и преводи на нашите познати современи писатели), Денови на украинската култура и изложби на украински уметници, како и турнеја на Кијивскиот академски регионален музичко-драмски театар „П.К.Саксагански“ и Уметничкото здружение „Таленти на 21 век“ и многу повеќе“.
Задорожњук нагласи дека овие и многу други настани што ги организира Амбасадата заедно со македонската страна овозможуваат смело да тврдат дека Украина станува се поприсутна во Северна Македонија.
Целото интервју можете да го прочитате на Фронтлајн.мк.
М. А.
