Два земјотреса се регистрирани синоќа во епицентралното подрачје Пештани-Охрид-Струга, 100 километри јужно од Скопје.
Првиот земјотрес бил во 21 часот и 7 минути со локална Рихтерова магнитуда ML2.5 и интензитет од III-IV степени според Европската макросеизмичка скала, а вториот во 21 часот и 26 минути со локална Рихтерова магнитуда ML2.6. и интензитет од III-IV степени, соопшти Сеизмолошката опсерваторија при Природно-математичкиот факултет во Скопје.
Земјотресите беа почувствувани од населението во Охрид, Струга, Ресен и околината./MИА/.
