Од ВМРО-ДПМНЕ, деновиве, кога се разгледуваат можностите за зголемување на минималната плата на работниците на 18.000 денари, добиваме тоталена шарада од различни ставови искажани јавно.
Отпорот што доаѓа од работодавачите за зголемување на минималецот има (се разбира за нив) некаква капиталистичка логика, но немаат никаква логика различни ставови во врска со ова што доаѓаат од врхушката на партијата која нели „се крсти во народот“.
Членот на Извршниот комитет на партијата и актуелен претседавач со советот на град Скопје, Трајко Славески е против зголемување на минималецот. Тој вели дека се прифатливи барањата на работодавачите, да се промени методологијата за пресметка на минималецот. Според членот на највисокото партиско тело во ВМРО-ДПМНЕ, ова што го бара Синдикатот се косело со практиката во Европа и во светот.
Од Синдикатот велат работниците памтат и ќе вратат
Од Сојузот на Синдикатите на ваквите негови шурувања со работодавачите, велат дека го разбираат Трајко Славески поради тоа што тој во Македонија прима плата во висина на минимална плата во Германија, па веројатно и тој е револтиран што е на германски минималец во Македонија. 50% од просечната плата во Германија е 1.400 евра а во Македонија 14.000 денари, па веројатно му е тешко да го преживее месецот како на 110.000 работници, па затоа ги поддржува работодавачите, а не работниците.
Славески а следствено и ВМРО-ДПМНЕ со јавната и отворена поддршка на работодавачите, го минира процесот на договарање на трите страни во економскиот совет давајќи им аргументи повеќе на стопанските комори да не ги прифатат барањата на Синдикатот.
Мицкоски пак, кој дотогаш молчеше, сега, откако виде како работниците и јавноста реагираа на ставовите од неговиот финансиски гуру, рече дека се согласува на раст на минималецот, но само доколку се нивелираат и сите останти плати.
„Тоа е една чудна непопулистичка од една страна приказна, од друга популистичка“, вели на поставено новинарско прашање Христијан Мицкоски, лидерот на ВМРО-ДПМНЕ.
За Мицкоски покачувањето на минималецот е, како што вели и самиот, приказна и според тоа станува многу јасно зошто ВМРО-ДПМНЕ не излегува со јасен став околу ова прашање.
Можеби за челниците на ВМРО-ДПМНЕ, и Мицкоски минималната плата е од минорно значење, но за работниците кои земаат минимална плата, покачувањето на 18.000 денари, во услови на вакви светски кризи, ама ич не им е приказна, туку суштинска прашање.
Оттука не е чудо што кога ВМРО-ДПМНЕ беше на власт, Славески беше министер за финансии, a Мицкоски советник на Груевски, минималната плата беше 8.000 денари.
Ј. Ѓ.
