Во Русија му се закануваат на милијардерот и основачот на SpaceX и Tesla, Илон Маск. Тие ветуваат „сериозен одговор“ за трансферот на сателитски интернет терминали Starlink на Украина.
Ова го пренесува РБК-Украина со порака до изјавата на генералниот директор на „Роскосмос“ Дмитриј Рогозин, која ја цитира „РИА Новости“.
„Според нашите информации, испораката и преносот до вооружените сили на Украина на претплатничките поштенски сандачиња на сателитски интернет Starlink го изврши Пентагон. Затоа, Илон Маск е вклучен во снабдувањето на фашистичките сили во Украина со воена комуникациска опрема. И ќе мора да одговара за ова на сериозен начин. Илон, не глуми дека си будала“, рече Рогозин.
Да потсетиме дека Илон Маск активно и помага на Украина, веќе од 28 февруари, првата серија на опрема за сателитската интернет станица Starlink пристигна во Украина, главната цел на услугата е да се донесе брз Интернет до тешко достапните области. Исто така неодамна американската компанија SpaceX официјално го регистрираше претставништвото на проектот Starlink во Украина.
Превод: Жорж Димовски
