Главната уредничка на Раша Тудеј, Маргарита Симонјан на руската државна телевизија, повторно се осврна на една од нејзините омилени теми: „глупавите Американци“. Уште еднаш, Симонјан повтори колку малку мислела на Американците и нивните интелектуални способности уште од времето кога студирала во Соединетите Држави. Видео снимката ја објави Џулија Дејвис од Russian Media Monitor.
Tonight on Russian state TV, head of RT Margarita Simonyan revisited one of her favorite topics: “stupid Americans.” Yet again, Simonyan reiterated how little she thought of Americans and their intellectual abilities ever since the time she studied in the United States. pic.twitter.com/W4bI1yEkoA
— Julia Davis (@JuliaDavisNews) June 5, 2022
„Тие (Американците) се како мали деца. Не веруваат во нешто во што не сакаат да веруваат. Како мали деца, тие се заглавени во сопствената фантазија. Неодамна ги препрочитував старите писма коишто им ги праќав на родителите. Сум го напишала следното: Чувствувам како Америка да не е држава, туку „градинка за ментално заостанати деца“. Јас веќе на 15 години го сфатив тоа“, вели Симонјан.
Симојан во 1996 година поминала една година во Бристол, Њу Хемпшир во САД, како дел од Програмата за размена на студенти „Размена на идни лидери“ финансирана од Стејт департментот на САД.
Нејзините непромислени изјави и крајно навредувачки, дискриминирачки и ниски навреди покрај тоа што се однесуваат на граѓаните на САД, ги повредуваат и чувствата на сите деца и граѓани со нетипичен развој, како и чувствата на нивните најблиски и секој којшто во суштина е ЧОВЕК.
И. З.
