Денеска одбележуваме 27 години од геноцидот во Сребреница. Со голема почит се сеќаваме на жртвите и нивните семејства. Инсистирајќи на одговорност и правда, градиме подобра иднина за новите генерации.
Главната порака е: Геноцидот во Сребреница е факт, негирањето на геноцидот е неприфатливо.
Геноцидот во Сребреница беше потврден со судска пресуда на меѓународниот суд во Хаг, како единствен геноцид на европско тло по Втората светска војна.
Европскиот парламент го прогласи 11 јули за ден на сеќавање на геноцидот.
Геноцидот во Сребреница е дел од институционалната меморија на ЕУ, САД, Канада, Велика Британија, Германија… а со едногласни резолуции последните осуди на геноцидот се случија во Австрија и Албанија.
На 4 февруари 2010 година, Собранието на Северна Македонија усвои Декларација за поддршка на Резолуцијата за Сребреница на Европскиот парламент. Декларацијата го осудува геноцидот на 8.000 Бошњаци од овој босански град.
ЕУ рече дека сеќавањето на геноцидот во Сребреница е наша заедничка должност.
Симболот на најголемото страдање по Втората светска војна – цветот „Сеќавање“ или „Цвет на Сребреница“. Белата боја на цветот ја симболизира невиноста и е симбол на невините жртви на геноцидот, зелената е симбол на надежта, но и на будењето и ја носи пораката и желбата дека сите граѓани, без разлика на вера и нација, низ Босна и Херцеговина, регионот, Европа и светот, разбудете се и не заборавајте, ужасите на геноцидот и страдањата низ кои поминаа Бошњаците. Единаесетте листови од овој цвет го претставуваат 11 јули 1995 година.
Живееме затоа што мора да се сеќаваме.
„Не се намалува срамот на човештвото, ниту се намалува болката на мајките од Сребреница.“ – Мустафа Цериќ
„Реков и верувам дека ужасот на Сребреница е дамка на нашата колективна совест. Денес, кога многумина испраќаме во нивните вечни почивалишта, ги почитуваме мислејќи на нив, тагувајќи со нивните семејства“ – Барак Обама
„Денес мислам на мајките од Сребреница и на сите други преживеани чии сопрузи, браќа и синови беа убиени во геноцидот пред 25 години. Мислам и на жртвите, особено на децата, на кои не им беше дозволено да живеат, сакаат и да имаат свои семејства. Тоа е загуба што не може да се опише со зборови“. – Анџелина Џоли
„Должност на секој нормален човек е да ја наведне главата пред жртвите на Сребреница, да бара прошка иако можеби не е лично виновен или одговорен за ништо, да им каже неколку зборови на утеха, кои и по 25 години , на секој 11 јули, да ги посети гробовите на оние кои никогаш нема да бидат прежалени“ – Чедомир Јовановиќ
„Сакам уште еднаш да ви се придружам во сеќавањето на жртвите од тие страшни настани и да ја изразам мојата поддршка на семејствата на преживеаните во нивната борба за правда“ – Борис Џонсон
Секој ден се сеќаваме, еден ден не забораваме!
#Srebrenica #27godina #11juli1995 #11juli2022 #SrebrenicaGenocide
Фејсбук објава од Џелал Хоџиќ, СДА Македонија.