Службата за безбедност на Украина уапси руски државјанин, кој руската Федерална служба за безбедност (ФСБ) го испрати во Украина за да собере разузнавачки информации околу Краматорск, град на истокот на земјата, соопшти Службата за безбедност на Украина (СБУ), пренесува Укринформ.
Безбедносната агенција забележува дека како дел од контрасубверзивен напад низ областите на фронтот во источниот дел на земјата, нејзините оперативци привеле двајца руски агенти. Меѓу нив е и државјанин на Руската Федерација, кој пред пет години го отслужил воениот рок во Кострома. ФСБ го распоредиле во Украина за да изврши извидувачки и субверзивни активности претставувајќи се како локален цивилен жител. Виновникот беше приведен во близина на Дружкивка каде што ширеше преку социјалните мрежи про-Кремљ повици за поддршка на агресијата против Украина, информираат од СБУ .
„Утврдено е дека тој бил регрутиран од оперативец на ФСБ, кој моментално е дел од руските трупи. По негови инструкции, агентот пристигнал во Украина пред почетокот на инвазијата за да собере разузнавачки информации во областа Краматорск“, велат од СБУ.
Контраразузнавачите на СБУ разоткриле уште еден непријателски агент во градот Билицке, регионот Доњецк. Тој ги известува окупаторите за правците на движење на воената опрема во областите на фронтот. Осомничениот пренесувал разузнавачки информации преку „врска“ – милитант со терористичката организација „ДПР“ – преку затворена група во руската социјална мрежа Однокласники.
Во двата случаи, руските сили ги користеле податоците добиени од агентите за масовни ракетни и артилериски напади и планирале да преземат диверзантски напори во близина на линијата на фронтот. И двајцата сторители се формално обвинети и ставени во притвор соопштуваат од украинската служба за безбедност.
подготви: Ј. Ѓ.
