Српската премиерка Ана Брнабиќ денеска на конференцијата за човекови права во рамки на манифестацијата „Европрајд 2022“ изјави дека „е добро да се зборува“ и дека „таа е веројатно единствената личност која е дискриминирана од двете заедници“. Повеќе од десетина ЛГБТ активисти ја дочекаа Брнабиќ на конференцијата со свирежи во Младинскиот центар во Белград, објави Н1.
Мислам дека е добро да разговараме и не мислам дека ова е дијалог. Јас сум веројатно единствената личност која е дискриминирана од двете заедници, но и првиот политичар во оваа земја и во регионот која не се плаши и не се срамам што сум ЛГБТ. Ова е мојата борба, истакна Брнабиќ.
Активистите во салата извикуваа „Сакаме Прајд“, „Прајд е протест“, „Ги сакаме нашите човекови права“ и ја исвиркуваа премиерката.
Давам се од себе, ја зголемив видливоста на заедницата и ако барем еден човек се чувствува подобро. Ги поместувам границите барем за еден метар, направете го истото и на сите ќе им биде исто, престанете да критикувате. Не си дадов друго право освен тоа што го имате и вие и тоа не се многу права, се согласувам. Јас не се омажив, изјави Брнабиќ.
На повиците „Излегуваме в сабота“, таа рече: „Никој не може да ве спречи бидејќи тоа е основно човеково право“.
Немаше да бидеме овде денеска да не го потпишав писмото за поддршка. Немаше да имате Прајд како што имате од 2014 година, кога партијата на која припаѓам го обезбеди тоа во Белград и Србија. Овде ги поместуваме границите затоа што ова е прва Европрајд во Југоисточна Европа, додаде таа.
Активистите дофрлаа дела „нејзината полиција го забрани Прајдот“.
Морам искрено да кажам – задоволна сум бидејќи Белград е избран да разговара за овие проблеми, нагласи Брнабиќ.
Министерството за внатрешни работи на Србија одлучи да не дозволи прошетка на учесниците на „Европрајд 2022“ како и на учесниците на семејната прошетка организирана од „антиглобалистите“ во Белград в сабота на 17 септември, соопшти српското МВР.
Претставници на Европската унија, Обединетите нации и амбасадорите во Србија денеска изразија надеж дека прошетката како дел од ЛГБТ манифестацијата „Европрајд“ во Белград сепак ќе се одржи в сабота, по одлуката на МВР на Србија да не да ја дозволи прошетката од безбедносни причини.
