Администрацијата во Град Скопје е во незавидна состојба, вели советничката од СДСМ, Љубица Јанчева, во гостувањето во „Вин-вин“. Таа додаде дека Град Скопје има прекрасна администрација, во секој сектор луѓе што си ја знаат работат, но Арсовска како административни службеници ги оценила со единица.
Воедно, немаме реализација на проектите. Секое јавно претпријатие има обврска за тримесечен извештај, за кој Советот дава согласност. За таквите извештаи, до минатиот месец слушавме дека тие претпријатија се супер, а сега не чинеле, рече Јанчева, додавајќи дека извештаите веќе стигнале во правилниот рок до Град Скопје, но не се проследени и во Советот ги нема веќе два и пол месеца.
Сега воопшто и нема координативни средби пред седница на Советот. Сега ние пред самата седница го гледаме дневниот ред и материјалите, додаде Јанчева.
Не гледам разврска, со оглед на тоа како тераат настаните. Се надевам таа колку толку ќе успее да изреализира нешто од буџетот, бидејќи нема никаква реализација, заклучи Јанчева.
