„Од 2007 до сега Европската унија има вложено милијарда евра и тоа неповратни средства, а не како кредити што треба да се вратат, туку се вложени во инфраструктурата и во развој. Европската Унија вложува во својата идна членка“ изјави вицепремиерот за европски прашања, Бојан Маричиќ во интервју за „Фронтлајн“.
Тој кажа дека коридорот 10 е изграден со европски пари, коридорот 8 кој сега се гради исто така е со европски пари, како и тоа дека преку 20 општини во земјава добиле канализациска мрежа и системи за управување со отпад со пари од ЕУ.
„Неколку железнички станици се целосно направени со ЕУ пари. Пречистителната станица за Скопје комплетно е донирана од ЕУ и многу други проекти како градинки и други проекти. ИПА фондовите се убавото лице на ЕУ“ рече Маричиќ.
Вицепремиерот истакна дека по членството ваквите пари од ЕУ ќе се зголемат, а такви примери може да се видат во Хрватска или Бугарија, каде што сите автопати се направени со пари ЕУ.
