Службената бугарска влада е подготвена за одмазднички мерки доколку Холандија и Австрија стават вето за членството на Бугарија во Шенген, изјави премиерот Галаб Донев.
Тој верува дека во останатите денови „може да надвладее разумот“ кај партнеритете од Шенген.
„Силно се надеваме дека нема да бидеме соочени со таква неопходност. Напротив, веруваме дека сепак ќе надвладее разумот и позитивната волја на огромното мнозинство од земјите-членки“, посочи Донев, јавуваат бугарските медиуми. Тој не прецизира прецизира на какви контрамерки мисли.
Една од најблиските работи со кои Софија може да се одмазди е околу изборот на шеф на агенцијата за гранична контрола на ЕУ, Фронтекст. Холандскиот генерал Ханс Лајтенс е еден од водечките кандидати за директорското место во Фронтекс и веројатно премиерот Донев мисли на неговото именување.
Галаб Донев во понеделникот свика средба со министерот за внатрешни работи Иван Демерџиев, министерот за надворешни работи Николај Милков и министерот за правда Крум Зарков откако Холандија јавно објави дека нема да гласа за влегувањето на Бугарија во Шенген зоната.
„Бугарија не се откажа од Шенген. Имаме уште три дена“, рече Донев.
Според него, условите за членство во Шенген се целосно технички и Бугарија ги исполнила уште во 2011 година, што е признаено од речиси сите земји членки, Европската комисија и Европскиот парламент.
Министерот за внатрешни работи Иван Демерџиев коментираше дека постои надеж дека Австрија може да го промени ставот, бидејќи учествуваше во последната проверка на бугарските граници.
„Главните забелешки на Холандија не се поврзани со заштитата на границите, туку со спроведувањето на Механизмот за соработка и верификација, кој отпадна за Бугарија во 2019 година. Холандија очекува извештај, кој не може да го добие. Дискутабилно дали ваквата позиција на пракса не ги поништува нормите на кои е изградена ЕУ“, истакна Демерџиев.
Холандија најави дека е подготвена да го поддржи приемот на Хрватска и Романија, но не и на Бугарија. Австрија не ги прифаќа и Бугарија и Романија.
„Повеќе од очигледно е дека позициите на холандскиот премиер и на канцеларот на Австрија се диктирани од внатрешно-политички размислувања, а не од фактички идентификувани недостатоци во спроведувањето на шенгенските правила од страна на Бугарија“, посочи тој.
„Постои сомнеж за примена на двојни стандарди, особено од страна на Холандија“, додаде преодниот премиер Донев.
„Напоменуваме дека во својата позиција канцеларот на Австрија се осврнува на недостатоците на Шенген системот во целина, за кои никако не може да биде одговорност на бугарската страна, додека премиерот на Холандија исто така прибегнува кон непристојни предлози, кои нема брзо да бидат заборавени во Бугарија (мисли на изјавата на холандскиот премиер Марк Руте дека границата можела да се помине со 50 евра – н.з.). Нашиот долг кон споменот на тројцата бугарски гранични полицајци кои загинаа чувајќи ја надворешната граница на ЕУ нема да го дозволи тоа“, додаде тој.
Советот на ЕУ за правда и внатрешни работи на 8 декември треба да гласа за две одделни одлуки за проширување на Шенген. Планирано е министрите со една одлука да гласаат за прием на Бугарија и Романија, а со втора за Хрватска. Потребно е едногласност за да се одобри одлуката.
Извор: Независен
