Во интервју за Сител министерот за локална самоуправа Ристо Пенов смета дека решение за проблемот на приватните превозници постои и тоа е во рацете на Советот на градот:
„Треба да се има предвбид дека во градот сè уште власт е ВМРО-ДПМНЕ.
Тие раководат со Советот и како што пред еден месец изнајдоа решение како да го платат долгот кон ЈСП од два милиона евра и денес може Советот да свика седница и да и наложи на градоначалничката од одредена ставка на буџетот да го исплати долгот. Но тоа не се прави, туку се оди со политички памфлети и препукувања, се на штета на граѓаните“, смета Пенов.
Оттаму Пенов заклучува дека протестот може да има политичка заднина бидејќи воопшто не е насочен кон тие кои кон кои што наводно цели.
„Овој протест зема посериозен замав и според она како е проектиран тој воопшто не е насочен кон градоначалничката, кон ЈСП или кон долгот на ЈСП, бидејќи ЈСП не е загрозен со овој протест, градоначалничката исто така не е блокирана со овој протест. Единствено блокирани се граѓаните. Ако долгот бил еден милион евра, штетата е само денес поголема, ако се земе бензинот што граѓаните го трошат, ако бизнисот трпи и изгубените работни часови поради доцнење на работа. По мене протестот оцртува контури на еден политички протест од типот на „гласот на светлината“, бидејќи воопшто не е насочен кон тие кон кои што наводно цели“, смета Пенов.
На забелешката на новинарот дека Владата не помага и дека тактизира, Пенов со одговор:
„Јавниот превоз е во рацете на градот скопје. Мерките на Владата не можат да донесат долгорочни благопријатни мерки. Тоа е спротивно на процесот на децентрализација кој сакаме да го засилиме уште повеќе. Нам не ни одговара револтот, овој револт е против Владата. Први избори кои следат се парламентарните и претседателските што значи на удар е Владата. Оваа политичка тенденција е со друга цел“, смета министерот за локална самоуправа Ристо Пенов.
Љ. Н.